Argentina millisinin hücumçusu Lionel Messi altı dünya çempionatında iştirak edən ilk futbolçu kimi tarixə düşüb.
O, ABŞ-ın Missuri ştatının Kanzas şəhərində keçirilən qrup mərhələsinin ilk turunda Əlcəzair yığmasına qarşı oyunda meydana çıxıb.
Beş dünya çempionatında meksikalı Antonio Karbaxal və Rafael Markes, almaniyalı Lotar Matteus və Manuel Noyer, həmçinin 2026-cı il dünya çempionatı üçün Portuqaliya millisinə daxil edilən Kriştianu Ronaldu iştirak edib.
Messi dünya çempionatlarında keçirdiyi oyunların sayına görə də rekord yeniləyib. Əlcəzairə qarşı matç onun turnir tarixində 27-ci oyunu olub.
