"İnter Mayami"nin ulduz futbolçusu Lionel Messi, MLS-də ardıcıl dördüncü matçda qol vuraraq yenidən gündəmə gəldi.
Oxu.Az-a görə, Argentinalı ulduz "Portlend"ə qarşı oyunda 31-ci dəqiqədə fərqlənərək komandasını önə keçirdi. 42-ci dəqiqədə isə onun ötürməsi ilə Berterame fərqi artırdı. Görüş 2:0 başa çatdı.
Hazırda Messi 12 qolla qol krallığında ikinci sıradadır. O, 13 matçda 5 asist də verərək komandasına böyük töhfə verir.
Bu qələbədən sonra "İnter Mayami" Şərq Konfransında 2-ci yerdə qərarlaşıb. "Portlend" isə Qərb Konfransında 12-ci pillədədir.
