ABŞ-də çıxış edən futbolçumuz Nəriman Axundzadə 16 yaşını qeyd edən qızın arzusunu gerçəkləşdirib.
Oxu.Az xəbər verir ki, hadisə MLS-də futbolçunun üzvü olduğu "Kolambus Kryu" klubunun oyunundan sonra baş verib.
Ad günü olan yeniyetmə qız üzərində "It's my birthday, can I have your shirt please?" sözləri yazılmış plakatla futbolçuya müraciət edib.
N.Axundzadə isə azarkeşinin istəyini geri çevirməyərək köynəyini ona hədiyyə edib.
Qeyd edək ki, bu görüşdə "Kolambus" "Nyu-York Red Bull"un qonağı olub. Ev sahiblərinin 3:2 hesabı ilə qalib gəldiyi matçda N.Axundzadə 85-ci dəqiqədə oyuna daxil olub.
