Azərbaycan millisinin üzvü Nəriman Axundzadənin çıxış etdiyi ABŞ təmsilçisi "Kolambus Kryu"da baş məşqçi dəyişikliyi baş verib.
Klub rəhbərliyi gözləntiləri doğrulda bilməyən Henrik Ridströmlə yolları ayırmaq qərarına gəlib.
Baş menecer İssa Tall: "Təəssüf ki, mövcud potensialdan tam yararlana bilmədik. Komandamızın və azarkeşlərimizin layiq olduğu nəticələri əldə etmədik. Çempionluq uğrunda mübarizə apara biləcək istedadlı futbolçularımız var. Bu dəyişiklik bizi hədəfə aparacaq doğru addımdır."
50 yaşlı mütəxəssisin gedişindən sonra komandanı müvəqqəti olaraq Loran Kurtua çalışdıracaq. O, yeni təyinatadək baş məşqçi vəzifəsini icra edəcək.
Qeyd edək ki, Ridström 2026-cı il yanvarın 1-də bu vəzifəyə təyin olunmuşdu. "Kolambus Kryu" MLS-də 14 turdan sonra 13 xalla Şərq Konfransında 15 komanda arasında 13-cü yerdə qərarlaşıb.
