"Real Madrid"in prezidenti Florentino Peres komandanın ulduzları Orelyen Tçuameni və Federiko Valverde arasında baş verən mübahisəyə aydınlıq gətirib.
Peres bu gün keçirilən mətbuat konfransında hadisənin ictimailəşməsindən təəssüfləndiyini bildirib.
"Bu, çox pis haldır. Lakin ictimaiyyətə açıqlanması daha pisdir. 26 ildir klubdayam, futbolçular həmişə dava edib. Bəzən ildə bir neçə dəfə. Amma daxili məsələlər kənara çıxmamalıdır. Gənclər mübahisə edəndə vuruşur, sonra barışırlar", deyə o qeyd edib.
Xatırladaq ki, Valverde Tçuameni ilə davada xəsarət alaraq xəstəxanaya yerləşdirilib və ona kəllə-beyin travması diaqnozu qoyulub. Hər iki oyunçu cərimələnib, lakin Valverde xəsarətin ehtiyatsızlıqdan olduğunu deyib.
