Misli Premyer Liqasının XXXII turunda bu gün daha iki maraqlı qarşılaşma baş tutacaq.
“Turan Tovuz” səfərdə “Şamaxı”nın, “İmişli” isə “Qarabağ”ın qonağı olacaq.
Şamaxı şəhər stadionunda keçiriləcək ilk oyunu Rəvan Həmzəzadə idarə edəcək. “Qarabağ” isə Tofiq Bəhramov adına Respublika stadionunda “İmişli”ni qəbul edəcək.
Qeyd edək ki, “Qarabağ” 63 xalla ikinci, 33 xallı “İmişli” doqquzuncu, “Turan Tovuz” 59 xalla üçüncü, “Şamaxı” isə 35 xalla səkkizinci pillədə qərarlaşıb.
Hər iki qarşılaşma saat 17:00-da start götürəcək.
