AFFA Region Liqasında üçüncü yerin sahibi artıq məlumdur. “Biləsuvar” komandası mövsümü bürünc medallarla başa vurmağı bacarıb.
Şamaxı şəhər stadionunda keçirilən qarşılaşmada bölgə təmsilçisi “Şəfəq”in qapısından dörd top keçirərək 4:1 hesablı inamlı qələbə qazanıb.
Xatırladaq ki, bu gün final matçında “Zəngəzur” və “Marafon” kollektivləri üz-üzə gələcək. Çempionun adını müəyyənləşdirəcək həlledici görüş eyni arenada, saat 16:00-da start götürəcək.
