"Zirə"nin baş məşqçisi Rəşad Sadıqov Azərbaycan Kuboku finalı öncəsi mətbuat konfransında iddialı danışıb.
O, komandasının gərgin qrafikə baxmayaraq hazır olduğunu bildirib: "Son 40 gündə 9-cu matçımıza çıxacağıq. Rəqib güclüdür, amma biz də hazırıq".
Sadıqov finalın nəticəsinin digər klublara təsirindən də danışıb: "Biz qalib gəlsək, "Neftçi" avrokuboklardan kənarda qalacaq. "Sabah"ın qələbəsi isə "Turan Tovuz"a yarayır. Amma biz öz hədəfimizə fokuslanmışıq".
Baş məşqçi taktiki sürpriz olmayacağını, erkən qol vurmaq istədiklərini söyləyib. Final mayın 13-də saat 20:00-da "Palms Sports Arena"da keçiriləcək.
