Azərbaycan Kubokunun finalından sonra "Zirə" klubunun baş məşqçisi Rəşad Sadıqov UEFA Konfrans Liqasına düşmək üçün mübarizələrini davam etdirəcəklərini bildirib.
"Misli Premyer Liqasında əsas hədəfimiz Avropa arenasına çıxmaqdır", deyə Sadıqov vurğulayıb.
O, komandasının turnir cədvəlində dördüncü sıraya yüksəlmək üçün əllərindən gələni edəcəklərini qeyd edib: "Əsas rəqibimiz "Neftçi" bizdən 3 xal öndədir. Çempionatın bitməsinə 2 tur qalıb. İnanırıq ki, sona qədər döyüşüb, bir üst pilləyə qalxa biləcəyik".
Final matçı "Sabah" klubunun "Zirə" üzərində 2:1 hesablı qələbəsi ilə yekunlaşıb.
