"Araz-Naxçıvan" klubu növbəti transferini rəsmiləşdirdi.
Komanda yarımmüdafiəçi Rövlan Muradovu heyətinə qatdı. Futbolçu ilə 1 illik müqavilə imzalanıb.
"Qəbələ"nin yetirməsi olan Muradov karyerası ərzində Çexiya "Slaviya"sının B komandası, "Qarabağ"ın U-19, "Qəbələ", "Sumqayıt" və "Zirə"də çıxış edib. O, Azərbaycanın U-19 və U-21 yığmalarında da oynayıb.
Qeyd edək ki, "Araz-Naxçıvan" bu mövsüm Tərlan Əhmədli, Ömər Buludov, Slavik Alxasov, İbrahim Piriyev, Ülvi İsgəndərov, Rəşad Həsənov, Alberto Qarsia Fernandes, Alexandro Herrera və Luka Dumançiçlə də müqavilə bağlayıb.
