Beynəlxalq Şahmat Federasiyası (FIDE) rusiyalı qrossmeyster Vladimir Kramniki 2 il müddətinə diskvalifikasiya edib. Bunun 1 ili şərtidir.
FIDE-nin məlumatına görə, Kramnik David Navara və mərhum Daniel Naroditskiyə qarşı sosial şəbəkələrdə saxtakarlıq ittihamları irəli sürüb.
FIDE qeyd edir ki, sübut olmadan ictimai ittihamlar oyunçuların reputasiyasına zərər vurur və etik standartlara ziddir.
Kramnik qərarla razılaşmır və apellyasiya verəcəyini bildirib. O, FIDE-nin prosedur pozuntuları etdiyini iddia edir.
51 yaşlı Kramnik 2000-2007-ci illərdə dünya çempionu olub.
