Ufalı bloqer Rüstəm Nəbiyev tarixdə ilk dəfə Everest zirvəsinə yalnız əlləri üzərində qalxıb.
2015-ci ildə Omskda kazarma uçması nəticəsində hər iki ayağını itirən Nəbiyev mayın 20-də Nepalda yerləşən dünyanın ən yüksək nöqtəsini fəth edib.
Bir həftə davam edən yürüşdə Nəbiyevi beş şerpa və üç şəxsi bələdçi müşayiət edib. O, bu yüksəlişi özünü izləyən hər kəsə həsr edib.
Nəbiyev aprelin 7-də Rusiyadan Nepala yola düşüb və səfərdən əvvəl vəsiyyətnamə hazırlayıb. O, 34-cü doğum günü olan mayın 13-də yüksəlişə başlayıb.
Xatırladaq ki, Nəbiyev 2015-ci ildə hərbi xidmətdə olarkən kazarma çöküntüsü nəticəsində ağır yaralanıb. Hazırda o, üç övlad atasıdır və milyonlarla izləyicisi olan motivasiya bloqu yaradıb.
