"Bizə klubun avrokuboklara buraxılmayacağı ilə bağlı UEFA-dan hər hansı məlumat daxil olmayıb".
Oxu.Az xəbər verir ki, bu sözləri AZƏRTAC-a açıqlamasında "Turan Tovuz" klubunun İdarə Heyəti sədrinin müavini Nəsimi Paşayev deyib.
O bildirib ki, rəsmi məlumat olmadığı üçün klub UEFA Konfrans Liqasına hazırlıqları davam etdirir: "Komanda istirahətdədir. Futbolçular bir neçə gündən sonra toplaşacaq. UEFA nümayəndələri Tovuz stadionuna baxış keçirib və görülən işləri yüksək qiymətləndirib".
Qeyd edək ki, "Turan Tovuz"un 2019-cu il hadisələrinə görə avrokuboklardan kənarlaşdırılacağı iddia edilir. Həmin il UEFA hesabatına əsasən, yeddi oyunçusuna ömürlük qadağa qoyulmuşdu.
