Azərbaycan Kubokunun finalından sonra "Sabah" klubunun baş məşqçisi Valdas Dambrauskas fikirlərini bölüşüb.
Dambrauskas bildirib ki, həmişə baxımlı futbol oynamağa çalışır: "Azarkeşlərin hücum futbolu izləməsini və həzz almasını istəyirəm".
O, vurulan qolların komanda işinin nəticəsi olduğunu vurğulayıb: "Bu gün hər iki qol önəmli və fantastik idi. Mikelin yoxluğunda Kevin Parris və Xəyal Əliyev onu layiqincə əvəz etdilər".
Dambrauskas özünü fəxrlə hiss etdiyini deyib: "Fəxr edirəm ki, bu komandanın baş məşqçisiyəm". O, əvvəlki klubları ilə müqayisə aparmaq istəmədiyini, ancaq "Hayduk Split"lə qazandığı kuboku da, Azərbaycanda bir mövsümə iki titul qazanmağı da unudulmaz adlandırıb.
Xatırladaq ki, matç "Sabah"ın "Zirə" üzərində 2:1 hesablı qələbəsi ilə başa çatıb.
