"Barselona"nın gənc ulduzu Lamin Yamal 2025/26 mövsümündə La Liqanın ən yaxşı futbolçusu seçilib. Bu məlumat liqanın rəsmi saytında dərc olunub.
18 yaşlı Yamal "Barselona"nın yetirməsidir. O, 2023-cü ildən əsas komandada çıxış edir. Ötən mövsüm 28 oyunda 16 qol vurub, 12 məhsuldar ötürmə edib.
Yamal "Barselona" ilə İspaniya çempionu olub. Onun aktivində iki ölkə çempionluğu, iki İspaniya Superkuboku və bir İspaniya Kuboku var.
"Transfermarkt"a görə, Yamal La Liqanın ən bahalı futbolçusudur. Transfer dəyəri 200 milyon avrodur.
