Azərbaycanda 2026-cı ilin sonunadək ən azı dörd yeni elektrik stansiyasının istismara verilməsi planlaşdırılır.
Bunu Bərpa Olunan Enerji Mənbələri Dövlət Agentliyinin direktor müavini Rəna Hümbətova Bakı Enerji Həftəsi çərçivəsində keçirilən 31-ci Beynəlxalq Xəzər Neft və Qaz Sərgisində bildirib.
Stansiyalardan biri 245 MVt gücündə Günəş elektrik stansiyasıdır və bu ilin sonunadək istismara veriləcəyi gözlənilir. Digər iki layihə Şərqi Zəngəzur yaşıl enerji zonasında yerləşir, hər biri 25 MVt gücündədir.
Bundan əlavə, 230 MVt gücündə külək elektrik stansiyasının tikintisi də planlaşdırılır.
