Azərbaycan işğaldan azad edilmiş ərazilərini bərpa edir. Bu məqsədlə 10 milyard ABŞ dollarından çox vəsait ev və mənzil tikintisinə yönəldilib.
Oxu.Az xəbər verir ki, bunu maliyyə nazirinin birinci müavini Anar Kərimov Bakıda keçirilən Ümumdünya Şəhərsalma Forumunun 13-cü sessiyası çərçivəsində təşkil olunan tədbirdə bildirib.
"Azad edilmiş ərazilərdə yenidənqurma Azərbaycanın dövlət siyasətinin əsas istiqamətlərindəndir. Buna həm də inkişaf kimi yanaşmaq lazımdır", - deyə nazir müavini vurğulayıb.
