"Şahdəniz" layihəsi çərçivəsində işlərin təxminən 30%-i artıq tamamlanıb.
Bunu bp şirkətinin Azərbaycan, Gürcüstan və Türkiyə üzrə regional prezidenti Kio Kristofol 31-ci Bakı Enerji Forumunda jurnalistlərə açıqlamasında bildirib.
O qeyd edib ki, dünən AÇG-də dərin qaz layihəsi üzrə ilk hasilat quyusu işə salınıb və yaxın zamanda növbəti quyu da istifadəyə veriləcək.
Bakı-Tbilisi-Ərzurum qaz kəmərinin operatorluğunun SOCAR-a təhvil verilməsi prosesi qrafikə uyğun davam edir. 1 iyul tarixində müqavilə öhdəliyi qüvvəyə minir və bp buna hazırdır.
"Bu, müqavilə öhdəliyidir, aktiv satışı deyil. SOCAR-ın operator olmasından məmnunuq", - deyə Kristofol vurğulayıb.
