Ölkədə balıq istehsalı artsa da, daxili tələbat tam qarşılanmır. Hazırda bazarlarda satılan balıqların çoxu idxal olunur və ya akvakultura təsərrüfatlarında yetişdirilir.
AzTV-nin hazırladığı videomaterialda qeyd olunur ki, satışda əsasən farel balığı təklif olunur. Satıcılar bildirir ki, tələbatın bir hissəsi idxal hesabına ödənilir.
Balıqçılıq və Akvakultura Mərkəzinin direktoru Ceyhun Əliyevin sözlərinə görə, ölkədə akvakultura məhsullarının illik istehsalı 3500-4000 ton təşkil edir. Bu, daxili istehlakın yalnız kiçik bir hissəsini qarşılayır.
Alıcılar seçim imkanlarının məhdud olduğunu desələr də, bəziləri məhsullardan razıdır. Qiymətlər balığın növü, çəkisi və mənşəyindən asılı olaraq dəyişir.
