SOCAR-ın vitse-prezidentinin müavini Hikmət Abdullayev 31-ci Beynəlxalq Xəzər Neft və Qaz sərgisində çıxış edib.
O, "Upstream" əməliyyatlarında emissiyaların azaldılması panelində əməliyyat şirkətlərinin yeni texnologiyalara çıxışının çətin olduğunu vurğulayıb.
Abdullayev bildirib ki, əməkdaşlıq olmadan ciddi nailiyyət əldə etmək mümkün deyil.
"Müxtəlif texnologiyalara sahib şirkətlər kimi, əməliyyat şirkətlərinin yeni texnologiyalara, ən son tədqiqatlara və elmi nailiyyətlərə çıxışları heç də asan deyil. Ona görə də əməkdaşlıq olmadan ciddi nailiyyətlər əldə etmək mümkün deyil", - deyə o qeyd edib.
