İyun ayında Kərkük Hava Limanından Azərbaycana uçuşların başlaması gözlənilir.
Bu barədə "Anadolu" agentliyi məlumat yayıb.
Kərkük Hava Limanının mətbuat katibi Herdi Samed bildirib ki, "İraq Hava Yolları" yaxın zamanda Azərbaycana ilk uçuşunu həyata keçirəcək.
O, reyslərin başlanacağı dəqiq tarixi açıqlamasa da, Kərkük-Bakı marşrutu üzrə uçuşların ən gec iyun ayında həyata keçiriləcəyini vurğulayıb.
Məlumata görə, İraq ABŞ və İsrailin fevralın 28-də İrana qarşı başlatdığı hərbi əməliyyatlardan sonra hava məkanını uçuşlar üçün bağlamışdı.
Qeyd edək ki, Kərkük Hava Limanı 2022-ci il oktyabrın 16-da istifadəyə verilib.
