Moody's Ratings beynəlxalq reytinq agentliyi Azərbaycanda fəaliyyət göstərən "Cənub Qaz Dəhlizi" QSC-nin (SGC) reytinqlərini təsdiqləyib.
Uzunmüddətli emitent kredit reytinqləri həm yerli, həm də xarici valyutada "Baa3" səviyyəsində qalıb. Proqnoz isə "müsbət" olaraq qiymətləndirilib.
SGC-nin səhmlərinin 49%-i dövlətə, 51%-i SOCAR-a məxsusdur. Dövlət 2026-cı ilin sonunadək minoritar səhm paketini XRG şirkətinə satmağı planlaşdırır.
Moody's qeyd edir ki, satışdan sonra da dövlət SGC-nin strategiyasına nəzarəti qoruyacaq. Şirkət dövlətlə əlaqəli emitent kimi qiymətləndirilir.
Reytinqlər Azərbaycanın suveren reytinqi ilə uyğundur və yüksək dövlət dəstəyini əks etdirir.
