Böyük Britaniyanın məşhur "Rolls-Royce" korporasiyası 10 ildən çox fasilədən sonra yenidən darfüzelyajlı sərnişin təyyarələri üçün mühərrik istehsalına başlayır.
"Financial Times" nəşrinin məlumatına görə, şirkət "Airbus A320" və "Boeing 737 MAX" modellərinin varisləri üçün "UltraFan 30" mühərrikini layihələndirir.
Layihənin reallaşması üçün milyardlarla funt sterlinq sərmayə, sənaye tərəfdaşı və Britaniya hökumətinin dəstəyi tələb olunur. Həmçinin "Airbus" və "Boeing" tərəfindən təsdiqlənməsi vacibdir.
"Rolls-Royce" "UltraFan" seriyasına indiyədək 1 milyard funt sterlinqdən çox vəsait yatırıb.
