SOCAR Bakı Enerji Həftəsi çərçivəsində keçirilən 31-ci Beynəlxalq Xəzər Neft və Qaz Sərgisində öz stendi ilə təmsil olunur.
Şirkət tədbirin "baş tərəfdaş"ıdır. Sərgi enerji təhlükəsizliyi, dayanıqlı inkişaf və əməkdaşlıq üçün mühüm platformadır.
SOCAR-ın stendi "Etibarlı Tərəfdaş, Güvənli Enerji Təchizatı" mövzusunda hazırlanıb. Burada ən son texnoloji həllər tətbiq olunub.
"Milli enerjinin gücü" bölməsində "Şahdəniz", "Azəri-Çıraq-Günəşli", "Neft Daşları" kimi yataqlar, həmçinin Bakı-Tbilisi-Ceyhan, Cənub Qaz Dəhlizi kimi layihələr haqqında məlumat var.
"İnnovasiya, rəqəmsallaşma və qlobal fəaliyyət" bölməsində SOCAR-ın rəqəmsal transformasiyası, "SOCAR Karbamid", "Petkim", STAR kimi müəssisələr təqdim olunur.
"Dayanıqlı gələcək və ətraf mühitin mühafizəsi" bölməsində isə Bakı Ali Neft Məktəbi, geotermal enerji, metan emissiyalarının azaldılması layihələri yer alıb.
SOCAR həmçinin Bakı Enerji Forumunda fəal iştirak edir.
