2022-2025-ci illərdə SOCAR İndoneziyaya təxminən 2.5 milyon ton Azərbaycan xam nefti tədarük edib.
Bu fikirləri energetika naziri Pərviz Şahbazov 31-ci Bakı Enerji Forumu çərçivəsində keçirilən D-8 Üzv Dövlətlərinin Enerji Nazirlərinin 1-ci görüşündə deyib.
Nazir, həmçinin bildirib ki, Banqladeşlə də münasibətlərdə enerji infrastrukturu və əlaqəlilik sahələri böyük potensiala malik istiqamətlər kimi qiymətləndirilir: "Qurulan əlaqələr Banqladeşin enerji sektorunda uzunmüddətli və texnologiyaya əsaslanan tərəfdaşlığın inkişafı üçün mühüm zəmin yaradır".
P.Şahbazov qeyd edib ki, Enerji Əməkdaşlığı üzrə Bakı Bəyannaməsi bu əməkdaşlıqları gələcək istiqamətlərini müəyyənləşdirən əsas sənəd olmaqla, enerji təhlükəsizliyi, enerji bağlantıları, karbohidrogen ehtiyatlarının inkişafı, infrastrukturun qurulması, iqlim fəaliyyəti və texnoloji tərəqqi sahələrində əməkdaşlığın gücləndirilməsinə xidmət edəcək.
