Artıq biznesmen və sahibkarlar 30, 40, 50 yaşlı şəxslər deyil, 6-17 yaş arası uşaq və yeniyetmələrdir.
Oxu.Az xəbər verir ki, bu barədə Baku TV-nin videomaterialında bildirilib.
Onların 2026-cı il üzrə təqdim etdiyi ən mükəmməl layihələr isə "MiniBoss Business School Baku"nun keçirdiyi startaplar üzrə milli çempionatda seçilir.
Çempionat və təqdim olunan layihələr barədə danışan "MiniBoss Business School"un təsisçisi Nərminə Həsənova mövzu ilə bağlı bu fikirləri bölüşüb:
"Burada 20 layihə təqdim olunub. Hər bir layihə cəmi iki ay ərzində hazırlanıb. Yəni qrant alınan müddətdən təqdim olunan ideyalar real məhsula çevrilib. İlk dəfədir ki, 20 layihənin 40 faizi milli irsimizi və mədəniyyətimizi əks etdirən layihələr olacaq. Mən çox xoşbəxtəm ki, beş layihə ilə fəaliyyətə başlayan "Miniboss Business School" məktəbi 80-dən çox layihəsi ilə artıq altıncı ilini başa vurub".
