Azərbaycanda xəzinədarlıq sistemi tam rəqəmsallaşdırılır. Maliyyə naziri Sahil Babayev AzTV və AZƏRTAC-a müsahibəsində bildirib ki, Rəqəmsal Dövlət Maliyyəsi Sistemi fəaliyyətə başlayıb.
Nazir qeyd edib ki, büdcə proqnozlaşdırılması, icrası, xəzinədarlıq fəaliyyəti və risk əsaslı yoxlama kimi bütün elektron platformalar vahid bazada birləşdirilir. Mərhələli şəkildə istifadəyə verilən sistem ödəniş müddətini əvvəlcə bir günə, ilin sonuna kimi isə iki saata endirəcək.
Elektron müqavilə portalı artıq işə salınıb. Apreldən etibarən bütün dövlət qurumları sistemə qoşulub. Bu, özəl sektor üçün əlçatanlığı artırır, şəffaflığı təmin edir və büdcə vəsaitlərinin optimallaşdırılmasına xidmət edir.
