Azərbaycanda yeni cərimələr müəyyənləşir. Parlament bunu təsdiqləyib.
Milli Məclisin plenar iclasında İnzibati Xətalar Məcəlləsinə dəyişiklik layihəsi qəbul edilib. Tibbi müayinə rəyinə əsasən narkoloji xəstə olan şəxsləri işə götürən vəzifəli şəxslər 3000 manat cərimə olunacaq.
İşçinin sağlamlığı haqqında arayış olmadan işə qəbul edənlər 1000 manat cərimələnəcək. Kolların kəsilməsi barədə yalan məlumat verən fiziki şəxslər 500 manat, vəzifəli şəxslər 3000 manat, hüquqi şəxslər 5000 manat cərimə ediləcək.
Maliyyə icarəsi hesabatlarını təqdim etməyənlər də cərimələnəcək. Ərzaq balansı məlumatlarını vaxtında daxil etməyənlər üçün də cərimələr nəzərdə tutulub.
İnzibati xətanı təkrar edən şəxslər daha yüksək cərimələrlə üzləşəcək. Xətaya səbəb olan halları 10 iş günü içində aradan qaldıran şəxs məsuliyyətdən azad edilir.
