Milli Məclisin bugünkü iclasında "Azərbaycan Respublikasının 2025-ci il dövlət büdcəsinin icrası haqqında" qanun layihəsi müzakirə edildi.
Oxu.az-a görə, müzakirələrdən sonra layihə səsə qoyularaq birinci oxunuşda qəbul edildi.
Hesabat ilində büdcə gəlirləri 39 milyard 184.6 milyon manat olub ki, bu da proqnozu 828.6 milyon manat (2.2%) üstələyir. 2024-cü illə müqayisədə artım 2 milyard 22.8 milyon manat (5.4%) təşkil edib.
Büdcə gəlirlərinin ÜDM-də payı 30.4% olub, 2024-cü ildəki 29.4%-dən bir faiz çox.
Gəlirlərin strukturu: vergi orqanları 16.355 milyard manat (41.7%), gömrük orqanları 6.37 milyard manat (16.3%), Neft Fondundan transfert 14.481 milyard manat (37%), digər gəlirlər 1.979 milyard manat (5%), ödənişli xidmətlər 679.6 milyon manat, məqsədli fondlar 66.7 milyon manat, icarə gəlirləri 46.5 milyon manat, sair 1.186 milyard manat.
