Avropa İttifaqının (Aİ) Cənubi Qafqaz və Gürcüstan böhranı üzrə xüsusi nümayəndəsi Maqdalena Qrono Bakıya səfəri zamanı Azərbaycan rəsmiləri ilə görüşüb.
Görüşlərdə regional vəziyyət, Aİ-Azərbaycan münasibətləri və Azərbaycan-Ermənistan sülh prosesinin perspektivləri müzakirə edilib.
Maqdalena Qrono "X" sosial şəbəkəsində bildirib: "Yenidən Bakıda olmaqdan məmnunam. Hikmət Hacıyev, Elçin Əmirbəyov və Elnur Məmmədovla intensiv məsləhətləşmələr apardıq."
Müzakirələr regional proseslər, nəqliyyat bağlantısı imkanları, sülh prosesi və Aİ ilə yüksək səviyyəli qarşılıqlı fəaliyyəti əhatə edib.
Qrono vurğulayıb: "Biz davamlı sülh sazişi yolunda müsbət dinamikanı qorumağın vacibliyini təsdiqlədik. Aİ bu prosesə dəstəyini davam etdirəcək."
