Azərbaycan Baş naziri Əli Əsədov iyunun 4-də Bakıda Türk Dövlətləri Təşkilatına üzv ölkələrin Mərkəzi Banklar Şurasının iclasında iştirakçılarla görüşüb.
Nazirlər Kabinetindən verilən məlumata görə, görüşdə Şuranın iclasının əhəmiyyəti vurğulanıb, maliyyə sektorları arasında əməkdaşlığın gücləndirilməsinə töhfə verəcəyi bildirilib.
Üzv dövlətlər arasında qarşılıqlı etimada əsaslanan əməkdaşlığın uğurla inkişaf etdiyi qeyd olunub. Azərbaycanın sədrliyi ilə iqtisadi, ticarət, investisiya, nəqliyyat, enerji, maliyyə və humanitar sahələrdə əlaqələrin genişləndirilməsi vurğulanıb.
Maliyyə-bank sektorunun modernləşdirilməsi, xidmət keyfiyyətinin yüksəldilməsi və şəffaflığın artırılması istiqamətində islahatlar müzakirə edilib.
TDT çərçivəsində maliyyə-bank əməkdaşlığının perspektivləri də görüşün gündəmində olub.
