Avropa İttifaqının Azərbaycandakı səfiri Mariyana Kuyundziç Ümumdünya Şəhərsalma Forumunun 13-cü sessiyasında çıxış edib.
O bildirib ki, Aİ mina təhlükəsinə qarşı mübarizədə gender yanaşmasına xüsusi önəm verir və Azərbaycanda ilk qadın minatəmizləmə qrupunun yaradılmasına dəstək göstərib.
Səfir qeyd edib ki, hazırda "International Trust Fund for Enhancing Human Security" şirkəti ilə genişmiqyaslı layihə üzrə danışıqlar davam edir. Bu layihə ANAMA-nın potensialının gücləndirilməsinə yönəlib.
Layihə çərçivəsində mina aşkarlayan itlərin təlimi, avadanlıqların təmin edilməsi, mina qurbanlarına yardım və xüsusi təyinatlı ambulansların təqdim olunması nəzərdə tutulur. Sənədlərin yaxın zamanda imzalanaraq icraya başlanması planlaşdırılır.
