Azərbaycan baş nazirinin müavini Samir Şərifovun rəhbərlik etdiyi nümayəndə heyəti Belarusa səfər edib.
Nümayəndə heyətini Minsk Milli Hava Limanında Belarus rəsmiləri və Azərbaycanın Belarusdakı səfiri Məhərrəm Əliyev qarşılayıblar.
Səfərin ilk günündə heyət Minskdəki Azərbaycan Ticarət Evində olub. Burada Azərbaycan məhsullarının Belarus bazarında təşviqi və ixrac imkanları barədə məlumat verilib.
Səfər üç gün davam edəcək. Hökumətlərarası Komissiyanın növbəti iclası və yüksəksəviyyəli görüşlər nəzərdə tutulur.
