Prezident İlham Əliyev Türkmənistan həmkarı Sərdar Berdiməhəmmədovla birgə mətbuat konfransında çıxış edib.
Dövlət başçısı bildirib ki, həm təkbətək, həm də geniş tərkibdə danışıqlar aparılıb. İkitərəfli əməkdaşlığın bir çox məsələləri müzakirə edilib və gələcək inkişaf yolları müəyyənləşdirilib.
Əliyev Qarabağın bərpasında köməyə görə Türkmənistana təşəkkür edib. Xüsusilə, Füzuli şəhərində məscid tikintisi təşəbbüsünü xatırladıb. Qeyd edib ki, bu layihə artıq icra olunmağa başlanıb.
Prezident həmçinin yaxın aylarda Hökumətlərarası Komissiyanın işini vurğulayıb. Tapşırıqların tam işlənib hazırlanacağına əminlik ifadə edib.
