Bu gün Azərbaycandan Ermənistana 984 ton dizel yanacağı göndərilib. "Azərbaycan Dəmir Yolları" QSC-nin Biləcəri stansiyasından yola salınan 17 vaqon dizel yanacağı Böyük Kəsik stansiyası istiqamətində hərəkət edir.
Yük Gürcüstan ərazisindən tranzit keçməklə Ermənistana çatdırılacaq. Bu günə qədər Azərbaycandan Ermənistana 12 min tondan çox dizel, 979 ton Aİ-92 benzini və 2 955 ton Aİ-95 benzini ixrac edilib.
Yanacaq ixracına 2025-ci il dekabrın 18-də başlanılıb. Həmin gün Ermənistana 1 220 ton Aİ-95 markalı avtomobil yanacağı tədarük edilib.
Prezident İlham Əliyevin 2025-ci il oktyabrında verdiyi qərara əsasən, işğal dövründən bəri qüvvədə olan tranzit məhdudiyyətləri aradan qaldırıldıqdan sonra daşımalar davam edir.
