Bakıda bütün ictimai çimərliklər yay mövsümünə tam hazırdır. Heydər Əliyev Fondunun vitse-prezidenti Leyla Əliyevanın təşəbbüsü ilə Şıx, Goradil, Novxanı, Buzovna, Pirşağı və Sahil qəsəbələrində yaradılan pulsuz çimərliklərdə təmizlik və abadlıq işləri başa çatıb.
Çimərliklərdə xilasetmə məntəqələri, kölgəliklər, soyunub-geyinmə kabinələri, duşlar, sanitar qovşaqlar, oturacaqlar və şezlonqlar quraşdırılıb. Oyun meydançaları yenilənib.
Əlilliyi olan şəxslər üçün xüsusi yollar və panduslar inşa edilib, dayanacaqda xüsusi nişanlama ayrılıb.
Giriş və bütün xidmətlər tam ödənişsizdir. IDEA İctimai Birliyi hamını sahilləri təmiz saxlamağa çağırır.
