Türkiyə Böyük Millət Məclisinin üzvü Şamil Ayrım Qərbi Azərbaycana qayıdış konsepsiyasını dəstəkləyib.
O, Beynəlxalq konfransda bildirib ki, bu, coğrafi mübahisə deyil, yüz minlərlə azərbaycanlının haqq məsələsidir.
Deputat qeyd edib ki, İrəvan, Göyçə, Zəngəzur və Dərələyəz azərbaycanlıların ata-baba yurdlarıdır.
XX əsrdə Ermənistanın apardığı etnik mühəndislik siyasəti nəticəsində azərbaycanlılar doğma yurdlarından qovulublar.
Azərbaycanın Vətən müharibəsindəki qələbəsi tarixi ədalətin bərpası oldu. Prezident İlham Əliyevin Qərbi Azərbaycana Qayıdış Konsepsiyası sülh və insan haqlarına əsaslanır.
Şamil Ayrım vurğulayıb ki, millətin yaddaşını sürgün etmək mümkün deyil. İnsanlar sülh yolu ilə öz torpaqlarına qayıtmaq istəyirlər.
Azərbaycan beynəlxalq hüquqa sadiqdir və sülh gündəliyini dəstəkləyir. Deputat Ermənistan cəmiyyətini də sülhə töhfə verməyə çağırıb.
