Cinayət mühakimə icraatı çərçivəsində əmlak üzərinə həbs qoyulması barədə qərarların şikayət qaydası dəyişir. Yeni qanun layihəsi ilə bu qərarlar məhkəmə nəzarəti qaydasında mübahisələndiriləcək.
Oxu.Az xəbər verir ki, Milli Məclisin plenar iclasında Cinayət-Prosessual Məcəlləsi, Cəzaların İcrası Məcəlləsi və İcra haqqında Qanuna dəyişikliklər müzakirə edilib.
Təklif edilən dəyişikliklər təqsirləndirilən şəxs olmayan, lakin əmlakına həbs qoyulan şəxslərin hüquqlarını tənzimləyir. Onlar apelyasiya, kassasiya və əlavə kassasiya şikayəti verə biləcəklər.
Ən mühüm dəyişiklik əmlaka həbs qərarlarının mülki icraat yox, məhkəmə nəzarəti qaydasında mübahisələndirilməsidir. Bu, daha sürətli və çevik həll təmin edir.
Qanun layihəsi birinci oxunuşda qəbul edilib.
