Azərbaycan Prezidenti İlham Əliyev Efiopiyanın milli bayramı münasibətilə Baş nazir Abiy Əhməd Əliyə təbrik məktubu göndərib.
Prezident.az-a istinadən Oxu.Az xəbər verir ki, məktubda qeyd olunur: "Efiopiya Federativ Demokratik Respublikasının milli bayramı münasibətilə Sizi və xalqınızı öz adımdan və Azərbaycan xalqı adından ürəkdən təbrik edirəm."
Məktubda ikitərəfli münasibətlərin yüksələn xətt üzrə inkişafından məmnunluq ifadə olunub. Fevral ayında Abiy Əhməd Əlinin Azərbaycana səfəri çərçivəsində keçirilən görüş yüksək qiymətləndirilib.
Prezident Əliyev vurğulayıb: "Səfər əsnasında əldə etdiyimiz razılaşmalar ikitərəfli gündəliyimizin əhatə dairəsini genişləndirib."
Dövlət başçısı Efiopiya xalqına sülh və firavanlıq arzulayıb.
