Prezident İlham Əliyev mayın 15-də TDT Zirvə görüşü çərçivəsində Türküstan şəhərindəki "Həzrət Sultan" Muzey-Qoruğunu ziyarət edib.
Dövlət başçılarına qoruq haqqında ətraflı məlumat verilib. 1989-cu ildə yaradılan bu muzeydə "Nadir Eksponatlar Zalı" Qazaxıstanın ən önəmli layihələrindəndir.
Muzeydə Türküstanın zəngin tarixi, türk dünyasının mənəvi irsi və Xoca Əhməd Yasəvi məqbərəsinə aid nadir artefaktlar nümayiş olunur. Kolleksiyada 26 mindən çox eksponat var, 80%-i artefaktdır.
Daha sonra Xoca Əhməd Yasəvi məqbərəsi ziyarət edilib. Bu abidə Mərkəzi Asiyanın ən böyük islam memarlığı nümunələrindən biridir.
Məqbərə XIV əsrdə Əmir Teymurun əmri ilə inşa edilib. 35-dən çox otağı olan kompleks islam dünyasının mənəvi mərkəzi sayılır.
