Prezident İlham Əliyev Xorvatiya Respublikasının Prezidenti Zoran Milanoviçə təbrik məktubu ünvanlayıb.
Oxu.Az-ın məlumatına görə, məktubda deyilir: "Hörmətli cənab Prezident, Xorvatiya Respublikasının milli bayramı - Dövlətçilik Günü münasibətilə Sizə və bütün xalqınıza öz adımdan və Azərbaycan xalqı adından ən səmimi təbriklərimi çatdırıram."
"Azərbaycan ilə Xorvatiya arasında dostluq və əməkdaşlıq münasibətləri xoş ənənələrə malikdir. İnanıram ki, birgə səylərimizi davam etdirəcəyik", - deyə məktubda vurğulanır.
Dövlət başçısı Zoran Milanoviçə möhkəm cansağlığı, işlərində uğurlar, Xorvatiya xalqına daim əmin-amanlıq və rifah diləyib.
