Azərbaycan Milli Məclisinin Korsika Xalqına Dəstək Qrupu Fransa Milli Assambleyasında qəbul edilmiş konstitusiya qanunu layihəsinə dair bəyanat yayıb.
Fransa Milli Assambleyasında Korsikanın xüsusi muxtariyyət statusunu təsbit edən konstitusiya qanunu layihəsinin qəbulu Korsika xalqı üçün mühüm mərhələdir. Layihə adanın tarixi, mədəni, sosial və coğrafi xüsusiyyətlərini nəzərə alaraq Korsikaya daha geniş özünüidarəetmə səlahiyyətləri verir.
Dəstək Qrupu Korsika xalqının dinc, demokratik və ardıcıl mübarizəsini yüksək qiymətləndirir və qərarı onların siyasi nailiyyəti kimi görür. Ümid edirik ki, Fransa Senatı da bu qərarı dəstəkləyəcək.
