BMT-nin Məskunlaşma Proqramının (UN-Habitat) icraçı direktoru Anaklaudia Rossbax Bakıda keçirilən Ümumdünya Şəhərsalma Forumunda (WUF13) çıxış edib.
O bildirib ki, 2050-ci ilədək Afrikanın şəhər əhalisi 600-900 milyon nəfər artacaq.
Hazırda Afrikada mənzil çatışmazlığı 60 milyonu ötüb. Urbanizasiya tempi davam edərsə, 2030-cu ilə qədər bu rəqəm 130 milyonu keçəcək.
"Bu sahədə maliyyə boşluğu 1.4 trilyon ABŞ dollarından çoxdur", - deyə Rossbax qeyd edib.
UN-Habitat rəhbəri vurğulayıb ki, Afrika urbanizasiyası dünyanın digər regionları ilə müqayisədə daha sürətlidir.
O, mövcud böhranın mənzil tikintisi, bələdiyyə infrastrukturu, iqlimə davamlı tikinti və "yaşıl binalar"a keçid sahələrində böyük investisiya imkanları yaratdığını bildirib.
"Afrika şəhərlərinin gələcəyi bu onillikdə infrastruktur layihələrinin maliyyələşdirilməsindən asılıdır", - deyə o əlavə edib.
