Azərbaycanın Rumıniyadakı səfirliyi Rumıniya Senatında Ümummilli Lider Heydər Əliyevin 103-cü ildönümünə həsr olunmuş konfrans keçirib.
Tədbirdə Rumıniya parlamentinin üzvləri, hökumət nümayəndələri, diplomatlar, SOCAR, Yunus Emre İnstitutu, Türk İş Adamları Dərnəyi, ictimai-siyasi xadimlər iştirak edib.
Azərbaycan və Rumıniyanın dövlət himnləri səsləndirilib, ulu öndərin xatirəsi bir dəqiqəlik sükutla yad edilib.
Səfir Qüdsi Osmanov Heydər Əliyevin həyat və fəaliyyətindən, onun daxili və xarici siyasət uğurlarından danışıb.
Rumıniya Senatının prezidenti Mirça Abrudean Heydər Əliyevin Azərbaycan-Rumıniya əlaqələrindəki rolunu yüksək qiymətləndirib.
Dostluq qrupunun rəhbəri Marian Neakşu, Avropa Parlamentinin üzvü Kristian Terheş, senator Kristian-Auqustin Nikulesku-Tsıqırlaş çıxış ediblər.
Videoçarx nümayiş olunub, fotosərgi təqdim edilib. Moldova parlamentinin sədri İqor Qrosu da sərgini ziyarət edib.
