Ümumdünya Şəhərsalma Forumunun əsas mövzusu mənzildir. Mənzil şəhər landşaftına düzgün inteqrasiya edildikdə, insanların daha yaxşı yaşayışı üçün potensial maksimum dərəcədə artır.
Oxu.Az xəbər verir ki, bunu BMT-nin Məskunlaşma Proqramının (UN-Habitat) Asiya və Sakit Okean üzrə Regional Ofisinin direktoru Kazuko İşiqaki WUF13 çərçivəsində keçirilən tədbirdə deyib.
O bildirib ki, geniş maraqlı tərəfləri bir araya gətirən WUF13 landşaft, mənzil, enerji və icma iştirakını əhatə edən inteqrasiya olunmuş yanaşmaların daha təhlükəsiz və dayanıqlı şəhərlər formalaşdırmasına kömək edir.
“Son illərdə müxtəlif ölkələrdə həyata keçirilən çoxsaylı unikal layihələr ətraf mühitin dayanıqlılığı, mədəni irsin qorunması və icma iştirakını prioritet tutaraq innovasiya nümayiş etdirib”, - deyə o vurğulayıb.
