Şuşada Türk Dövlətləri Təşkilatı (TDT) ölkələrinin rəqabət qurumları rəhbərlərinin 3-cü iclası və Rəqabət Forumu başlayıb.
Forumda rəqabət siyasətinin formalaşdırılması və regional əməkdaşlığın gücləndirilməsi müzakirə olunacaq.
Açılış mərasimində Antiinhisar və İstehlak Bazarına Nəzarət Dövlət Agentliyinin sədri Elnur Bağırov, iqtisadiyyat nazirinin müavini Səməd Bəşirli və TDT Baş katibinin müavini Merey Mukajan çıxış edəcək.
Panel müzakirəsində Azərbaycan, Türkiyə, Özbəkistan, Qazaxıstan və Qırğızıstanın rəqabət qurumlarının nümayəndələri iştirak edəcək.
Daha sonra rəqabət qurumları rəhbərlərinin 3-cü iclası keçiriləcək. Macarıstan və Şimali Kipr Türk Respublikasının rəqabət qurumlarının rəhbərləri də çıxış edəcək. İclasın sonunda Birgə Kommünikenin imzalanması planlaşdırılır.
