Türk Dövlətləri Təşkilatı (TDT) üzv ölkələrin dini qurum rəhbərləri Şuşada keçiriləcək görüş öncəsi Fəxri xiyaban və Zəfər parkını ziyarət ediblər.
Ziyarətçilər ümummilli lider Heydər Əliyevin məzarı önünə əklil qoyub, ehtiramlarını bildiriblər.
Akademik Zərifə Əliyevanın, dövlət xadimi Əziz Əliyevin və professor Tamerlan Əliyevin xatirəsi yad edilib.
Daha sonra iştirakçılar Zəfər parkında abidə önünə əklil qoyub, Vətən müharibəsindəki Qələbə haqqında məlumat alıblar.
