Türk Dövlətləri Təşkilatı (TDT) ölkələrinin liderləri kosmik fəaliyyət sahəsində əməkdaşlığın inkişafını prioritet hesab edirlər.
Bu barədə TDT-nin qeyri-rəsmi sammitinin yekunları üzrə qəbul edilmiş Türküstan Bəyannaməsində deyilir.
“Kosmik fəaliyyət sahəsində əməkdaşlığın artan əhəmiyyətini qəbul edirik və onu texnoloji tərəfdaşlığın gücləndirilməsinə, elmi və kadr potensialının inkişafına, eləcə də TDT-yə üzv dövlətlər arasında əməkdaşlığın və inteqrasiyanın dərinləşdirilməsinə yönəlmiş birgə təşəbbüslər vasitəsilə qarşılıqlı fəaliyyətin prioritet istiqamətlərindən biri kimi müəyyən edirik”, - sənəddə bildirilib.
Sammit iştirakçıları “CubeSat-12U” nanopeykləri sinfindən olan elmi kosmik aparatın hazırlanması və yerüstü sınaqları üzrə TDT çərçivəsində davam edən birgə layihəni səmərəli çoxtərəfli əməkdaşlığın nümunəsi kimi alqışlayıblar.
