ABŞ Prezidenti Donald Tramp Bakı Enerji Həftəsi iştirakçılarına məktub göndərib.
Məktub ABŞ-ın İqtisadiyyat, Enerji və Biznes Bürosu katibinin köməkçisi Kaleb Orr tərəfindən Bakıda keçirilən 31-ci Beynəlxalq Xəzər Neft və Qaz Sərgisi, 14-cü Xəzər Beynəlxalq Təmiz Enerji Sərgisi və 31-ci Bakı Enerji Forumunun açılışında oxunub.
Tramp məktubunda Azərbaycanın enerji təhlükəsizliyində liderliyini vurğulayıb: "Bu nailiyyət Azərbaycanın enerji sahəsində liderlik keyfiyyətlərinin sübutudur."
O, ABŞ-ın Azərbaycanın neft-qaz sənayesinə dəstəyini qeyd edib və iki ölkə arasında enerji tərəfdaşlığının əhəmiyyətinin artacağını bildirib.
Məktubda həmçinin Ermənistanla sülh prosesinə də toxunulub: "Biz Ağ Evdə görüşdüyümüz zaman uzunmüddətli sülhə nail olduq. Regional enerji inteqrasiyası sülh sammitinin əsas sütunudur."
