Türkmənistan nümayəndəsi İrina Qrişkova bildirib ki, onlar Azərbaycanın alternativ enerji sahəsindəki təcrübəsini öyrənirlər.
Oxu.Az-a istinadən verilən məlumata görə, o, Arkadak şəhərinin tikintisi ilə bağlı konfransda iştirak edib.
“Konfransda iştirak etməkdən və şəhərimizi təqdim etməkdən məmnunam. Ümid edirəm ki, insanlar Türkmənistan və Arkadak haqqında məlumat əldə edəcəklər”, - deyə o qeyd edib.
Qrişkova Azərbaycanın ekologiyaya verdiyi önəmi vurğulayıb: “Sizin alternativ enerji ilə bağlı işləriniz yüksək səviyyədədir. Biz də bu təcrübəni mənimsəyirik”.
Arkadakda bərpaolunan enerji mənbələrindən istifadə olunur. Xüsusilə dəmiryolu vağzalı və avtovağzalda günəş panelləri quraşdırılır. Bu, qazdan istifadəni azaldaraq atmosferə atılan tullantıları minimuma endirir.
